A longa sombra de Marcial Dorado segue perseguindo a Feijóo na súa intención de derrubar a Sánchez... Pedro Sánchez volveu referirse á relación que tivo o presidente do PP, Alberto Núñez Feijóo, co narcotraficante Marcial Dorado. "Leccións ningunha", dixo dirixíndose á bancada do Grupo Popular, o "partido de Marcial Dorado" (Galicia Confidencial)

 "O presidente do Goberno, Pedro Sánchez, asegurou que asume os seus "erros" pero que "xamais" asumirá o "grao de hipocrisía" do partido implicado na Púnica, Gürtel, Kitchen ou na chamada "policía patriótica". Ademais, volveu referirse á relación que tivo o presidente do PP, Alberto Núñez Feijóo, co narcotraficante Marcial Dorado. "Leccións ningunha", dixo dirixíndose á bancada do Grupo Popular, o "partido de Marcial Dorado".

Tras denunciar a "oposición tramposa" do PP, o titular do Executivo acusou os populares de dar "leccións de democracia" e non aceptar "o resultado das eleccións". "Dan leccións de lexitimidade e ocultan a corrupción", engadiu. Ademais, o presidente do Goberno criticou que o PP leve oito anos pedindo eleccións e lembrou que a Constitución establece catro anos de mandato. Por iso, afirmou que seguirán gobernando ata 2027 e "moi por diante" se así o deciden os españois.

Previamente, o líder do PP, Alberto Núñez Feijóo, cargou con dureza contra o presidente do Executivo polo seu "gestapillo" no coñecido como 'caso Leire' e díxolle que dimita e que non "estire esta porcallada", devolvendo a palabra aos españois. Pola súa banda, Pedro Sánchez rexeitou as "leccións" do Partido Popular tras a súa "corrupción", citando expresamente casos como Kitchen, Gürtel ou Púnica.

Na sesión de control ao Goberno no Congreso, Feijóo identificou o presidente do Goberno coas siglas P.S. que aparecen nas axendas da exmilitante socialista Leire Díez. "Señor P.S., se o sabía todo, se o sabía todo terá que dimitir por corrupción, e se non o sabía, terá que dimitir por incompetente", espetoulle a Sánchez.2 

(Galicia Confidencial, 10/06/26)